Saturday, September 23, 2017

အယူတော်မင်္ဂလာ ပြန်လာပြီ


ဆရာမင်းသိင်္ခ မကွယ်လွန်ခင် ၂၀၀၈ မတိုင်မီက လူပေါင်းရာနဲ့ချီ ကြိတ်ကြိတ်တိုး စည်ကားခဲ့တဲ့ မှော်ဘီက အယူတော်မင်္ဂလာခြံကြီးဟာ ကွယ်လွန်ပြီး ၂၀၀၉ နောက်ပိုင်းက စလို့ လူသူ အရောက်အပေါက် နည်းပါးပြီး ခြုံနွယ်ပိတ်ပေါင်းတွေချည်း ဖြစ်လာလို့ တံခါးတောင် ပိတ်ထားခဲ့ရတဲ့အထိ ဖြစ်ခဲ့ပါတယ်။

ဒါပေမယ့် အဘရဲ့ အမျိုးသမီး ဖြစ်ခဲ့သူ ဒေါ်ကျင်ဖုံက ဒီခြံကြီးကို ပြန်လည် ပြုပြင်မွမ်းမံဖို့အတွက် တပည့် တစ်ဦး ဖြစ်တဲ့ ဆရာအုန်းချစ်မြိုင်ကို ၂၀၁၅ မှာ အာဏာကုန် လွှဲအပ်ပြီး လုပ်ကိုင်စေခဲ့ပါတယ်။ ဒေါ်ကျင်ဖုံအနေနဲ့ ဒီခြံကို အရင်အတိုင်း ပြန်လည်ပတ်စေချင်ပြီး မင်းသိင်္ခ မတော့ရှိလို့ မရမ်းတလင်းခြံ နာမည်ကျသွားတာမျိုးကို မလိုလားတဲ့အတွက် သူ့ကို ခေါင်းခံ လုပ်ကိုင်စေခဲ့တယ်လို့ ဆရာအုန်းချစ်မြိုင်က ပြောပါတယ်။

သူမတိုင်ခင်က ဆရာမင်းသိင်္ခရဲ့ စီနီယာတပည့်တွေက ဒီခြံကို ဦးစီးခဲ့ပေမယ့် အနှောင့်အယှက်တွေ အမျိုးမျိုး ကြုံရလို့ သူတို့လည်း စိတ်ညစ်ပြီး ခြံကို မဦးဆောင်ကြတော့ဘူးလို့ ဆရာအုန်းချစ်မြိုင်က ထပ်ပြောပါတယ်။



၂၀၁၅ စက်တင်ဘာမှာ စတင်ခဲ့တဲ့ ခြံပြန်လည် ရှင်းလင်းရေးဟာ ဒီနှစ် ၂၀၁၇ မှာဆို ၂ နှစ် ပြည့်ခဲ့ပါပြီ။
ခြံကို ပြန်လည် မွမ်းမံနေသလိုပဲ အရင် ဆရာမင်းသိင်္ခ ရှိစဉ်ကအတိုင်း ဗေဒင် သင်တန်းပေးတာ၊ ယတြာတွေ ချေပေးတာကိုလည်း ခြံထဲမှာ ပြန်လုပ်ပေးနေပါတယ်။ ဗေဒင်သင်တန်းဆိုရင် အပတ်စဉ် ၂၄ အထိတောင် ရောက်လာပြီလို့ သိရပါတယ်။

လတ်တလော ခြံထဲမှာ ဆရာမင်းသိင်္ခ စီရင် ထားရှိခဲ့တဲ့ ဂမ္ဘီရရုပ်တုတွေနဲ့ သူရေးခဲ့တဲ့ ဝထ္ထုတွေထဲက နာမည်ကျော် ဇာတ်ဆောင် ရုပ်တုတွေ ဆက်ရှိနေပြီး တချို့ အရုပ်တွေကတော့ ပျက်စီးတာတွေ၊ ခြုံ ပိတ်နေလို့ အောက်ခြေ မမြင်နိုင်တော့တာတွေလည်း ရှိနေပါတယ်။

ဒါပေမယ့် ဆရာမင်းသိခ် သုံးခဲ့တဲ့ ပစ္စည်းတွေ၊ အသုံးအဆောင်တွေ၊ ဆုတံဆိပ်တွေနဲ့ ချီးမြှင့်ခံခဲ့ရတဲ့ ဘွဲ့တွေ ကိုတော့ ပြတိုက်သဖွယ် ထားရှိမှာ ဖြစ်ပြီး ဆရာမင်းသိင်္ခနဲ့ တစ်ပုံစံတည်းတူတဲ့ ရုပ်တုလည်း ထုလုပ်နေတယ်လို့ သိရပါတယ်။


အယူတော်မင်္ဂလာခြံကြီးကို ပြန်လည်ပတ်အောင် ကြိုးပမ်းနေချိန်မှာပဲ တိုက်တိုက်ဆိုင်ဆိုင် ဆရာကြီး မင်းသိင်္ခ ရေးခဲ့တဲ့ ဝထ္ထုတွေကို ဒီဘက်ခေတ် ရုပ်ရှင်ဇာတ်ကားတွေအဖြစ် ပြန်လည် ရိုက်ကူး ရုံတင်ပြသနေကြတာကို မြင်တွေ့နေရပါတယ်။ အရင်ကတည်းက ခေတ်အဆက်ဆက် ဘယ်တောမှ မရိုးနိုင်အောင် အကြိမ်ကြိမ် ပြန်ရိုက်နေရတဲ့ ဒီဇာတ်ကားတွေဟာ ခုထိလည်း ရိုးရာမပျက် အောင်ပွဲခံနေဆဲပါပဲ။

ဒါဟာ လူသာ သေပေမယ့် နာမည် မသေ၊ အရှိန်အဝါ မပျောက်တဲ့ အဘ ဆရာကြီး ဒေါက်တာ မင်းသိင်္ခရဲ့ အောင်မြင်မှုကို သက်သေ သာဓက ထူပြနေတာပဲ ဖြစ်ပါတယ်။ ဘာပဲဖြစ်ဖြစ် ဆရာကြီး မင်းသိင်္ခရဲ့ အယူတော် မင်္ဂလာခြံကြီး ပြန်သက်ဝင်လှုပ်ရှားမယ့် သတင်းကို ၂ နှစ်လောက် စာ မရေးဖြစ်ဘဲ ငြိမ်သက် တိတ်ဆိတ်နေတဲ့ ကျွန်တော့်ဘလော့ဂ်ကနေ ပထမဆုံး တကျော့ပြန် ပို့စ်အဖြစ် တင်ပြခွင့် ရလိုက်တာကို ပီတိဖြစ်မိပါတယ်။

မရမ်းတလင်းက အယူတော်မင်္ဂလာ ပြန်လာပါပြီဗျာ။ 

ကိုးကား သတင်း - ကုမုဒြာဂျာနယ်၊ 7Day TV
သတင်းဓာတ်ပုံ - ကုမုဒြာ

Thursday, November 5, 2015

ရွေးကောက်ပွဲအလွန် မြန်မာ့အနာဂတ်နှင့် မြန်မာဗေဒင်ပညာရှင်များ အမြင်

စုစည်း ရရှိသမျှ မြန်မာ့အနာဂတ် ဟောကိန်းတိုင်းတွေက အားတက်စရာလည်း ရှိသလို ၊ စိတ်ပျက်စရာတွေလည်း မနည်းဘဲ သတိထားရမှာတွေလည်း ရှိနေပါတယ်။

ဦးနေဝင်းနဲ့ ဦးသန်းရွှေတို့ ခေတ်အလွန် မြန်မာ့နိုင်ငံရေးသမိုင်းမှာ အလွတ်လပ်ဆုံးနဲ့ တရားအမျှတဆုံး လို့ အားလုံးက မျှော်လင့်တွက်ဆထားတဲ့ ၂၀၁၅ အထွေထွေရွေးကောက်ပွဲတွေလည်း ကျင်းပဖို့ အချိန် နီးကပ်လာပါပြီ။ သတင်းမီဒီယာတွေကို ကြည့်လိုက်တာနဲ့ NLD ခွပ်ဒေါင်းအလံတွေ ပြည်လုံးအနှံ့ ရဲရဲတောက်လို့၊ မေမေနိုင်မှ ဖြစ်မယ် သီချင်းက လွှင့်ပျံလို့။ လူထုခေါင်းဆောင် ဒေါ်အောင်ဆန်းစုကြည်ရဲ့ နိုင်ငံတစ်လွှား မိုင်ထောင်ချီ မဲဆွယ်ခရီးစဉ်တိုင်းကလည်း NLD ပါတီအတွက် ရွေးကောက်ပွဲ ရလဒ်အကြို အောင်ပွဲ ခံနေသလား ထင်ရလောက်အောင် မြေကြီးလက်ခတ်မလွဲ အဖြေတစ်ခုကို ထုတ်ပြနေသလိုပါ။

ဒါပေမယ့်ပေါ့။ တစ်ခုခုဆို ကောင်းတာ ဖြစ်ဖြစ်၊ ဆိုးတာဖြစ်ဖြစ် စွတ်ရွတ် ခံစားတတ်တဲ့ မြန်မာတွေ အကျင့်အတိုင်း အခုလည်း သိပ် အကောင်းမြင်၊ အရမ်း မျှော်လင့်နေသလို ဖြစ်နေသလားလို့ ကျွန်တော် တွေးတော မိပါတယ်။ ဒါနဲ့ပဲ ရွေးကောက်ပွဲ အလွန်နဲ့ မြန်မာ့ဇာတာ အခြေအနေကို လေ့လာ သုံးသပ် ဟောဆိုထားတဲ့ ဝေဒပညာရှင် ဆရာများရဲ့ အယူအဆနဲ့ တရားဝင် အသိပေး ပြောကြားချက်တွေကို လိုက်လံ စုစည်းခဲ့ပါတယ်။

စုစည်း ရရှိသမျှ မြန်မာ့အနာဂတ် ဟောကိန်းတိုင်းတွေက အားတက်စရာလည်း ရှိသလို ၊ စိတ်ပျက်စရာတွေလည်း မနည်းဘဲ သတိထားရမှာတွေလည်း ရှိနေပါတယ်။ ဒီနေရာမှာ ဝေဒပညာရှင် ဆရာများရဲ့ အမြင်နဲ့ ဟောကိန်းတွေကို နှစ်ပိုင်းခွဲ တင်ပြလိုပါတယ်။ ပထမတစ်ပိုင်းက ရွေးကောက်ပွဲ ရလဒ်ပိုင်း ဖြစ်ပြီး ဒုတိယပိုင်းက ရွေးကောက်ပွဲအလွန် မြန်မာ့နိုင်ငံရေး အလားအလာပဲ ဖြစ်ပါတယ်။

ရွေးကောက်ပွဲ အခြေအနေနှင့် ရလဒ်

ရွေးကောက်ပွဲ ကျင်းပမယ့် နိုဝင်ဘာ ၈ ရက်နေ့ဟာ လွတ်လပ်ရေး ယူတဲ့နေ့ ၄ ရက်နေ့ ဆိုတဲ့ ၄ ဂဏန်းနဲ့ မတည့်သလို အဲဒီနေ့မှာ တည်ရှိတဲ့ ကောင်းကင် ဂြိုဟ်တွေရဲ့ အနေအထား မကောင်းလို့ ငြင်းခုန်မှု၊ ပဋိပက္ခနဲ့ မငြိမ်သက်မှုတွေ ဖြစ်လာနိုင်တယ်လုိ့ ဆရာစံဇာဏီဘိုက ကုမုဒြာဂျာနယ်နဲ့ အင်တာဗျူးတစ်ခုမှာ အတိအလင်း ပြောဆိုထားပါတယ်။ ရွေးကောက်ပွဲ အကြိုမှာရော အကျော်မှာရော အငြင်းအခုန်တွေ၊ တိုက်ပွဲနဲ့ သွေးထွက်သံယို ပဋိပက္ခတွေ အထင်အရှား လွှမ်းမိုးနေလို့ ပြည်သူတွေအနေနဲ့ ငြိမ်းငြိမ်းချမ်းချမ်းနဲ့ ခိုက်ရန် ပြဿနာ မဖြစ်အောင် ထိန်းကြဖို့လည်း ဆရာစံဇာဏီဘိုက တိုက်တွန်း ပြောဆိုပါတယ်။ ရွေးကောက်ပွဲ ရလဒ်အနေနဲ့ လာမယ့် သမ္မတသစ်ဟာ လက်ရှိထဲကလည်း မဖြစ်နိုင်၊ တိုင်းရင်းသားထဲကလည်း မဖြစ်နိုင်ဘဲ အမျိုးသမီး ဦးဆောင်မှုက အားသာမယ်လို့ ဆိုပါတယ်။

ဆရာစံဇာဏီဘိုဟာ ဒီနှစ် ဒီဇင်ဘာမှာ ဒေါ်အောင်ဆန်းစုကြည် သမ္မတ ဖြစ်မယ် ဆိုတဲ့ (ကွယ်လွန်သူ) ဆရာကြီးမင်းသိင်္ခရဲ့ ကြိုတင်ဟောကိန်းကို ထောက်ခံ အတည်ပြုထားသူလည်း ဖြစ်ပါတယ်။

မြန်မာ့နိုင်ငံရေး ရှေ့အလားအလာနဲ့ ပတ်သက်ရင် သူများနဲ့မတူတဲ့ အယူအဆတွေ ထူးခြားစွာ တင်ပြလေ့ ရှိတဲ့ ဆရာဘဲလားလေဘာတီကလည်း ရွေးကောက်ပွဲ ကျင်းပချိန် နိုင်ငံတော် ဇာတာ၊ သမ္မတရဲ့ ဇာတာနဲ့ ဒေါ်အောင်ဆန်းစုကြည်တို့ရဲ့ ဇာတာက စန်းအနေအထားတွေကြောင့် ရွေးကောက်ပွဲနေ့မှာ ထင်တာတွေ မဖြစ်၊ မထင်မှတ်တာတွေ ဖြစ်လာနိုင်ပြီး ရွေးကောက်ပွဲ ရလဒ် နောက်ပိုင်းနေ့တွေမှာ လူစုလူဝေး လှုပ်ရှားမှုတွေ ရှိလာမယ်ဆိုရင် အဓိကရုဏ်း၊ သွေးထွက်သံယို၊ အဖမ်းအဆီး အနိဌာရုံတွေ ဖြစ်လာနိုင်တယ်လို့ Tomorrow ဂျာနယ်ပါ ဆောင်းပါးမှာ ဟောကြားထားပါတယ်။ တကယ်လို့ ရွေးကောက်ပွဲက အနိဌာရုံတွေနဲ့ ယှဉ်သွားရင် အနိဌာရုံနဲ့ ယှဉ်တဲ့ ရွေးကောက်ပွဲကနေ တက်လာတဲ့ အစိုးရဟာ တိုင်းပြည်ကို နိုင်နင်းအောင် မထိန်းသိမ်းနိုင်ဘဲ အနိဌာရုံတွေ ဆက်သွားနိုင်တယ်လို့ ဆရာဘဲလားလေဘာတီက သတိပေးထားပါတယ်။

မြန်မာနိုင်ငံ နက္ခတ်သိပ္ပံအဖွဲ့အမှုဆောင် ဦးဇေယျာကိုကလည်း ‘‘ရွေးကောက်ပွဲ ကတော့ ကျင်းပ မှာပဲ။ ရလဒ် ကတော့ ဘ၀င် မကျစရာ ကွဲလွဲ မှုတွေဖြစ်နိုင် တယ်’’ လို့ 7Days News ဂျာနယ်ကို ယခုနှစ်ဆန်းပိုင်းက ပြောဆိုထားပါတယ်။ သမ္မတနေရာ ခန့်မှန်းရာမှာလည်း ဦးဇေယျာကိုက ကြာသပတေး သို့မဟုတ် စနေသားသာ သမ္မတ ဖြစ်နိုင်ပြီး ဒေါ်အောင်ဆန်းစုကြည်မှာ လွှတ်တော်ဥက္ကဌ (သို့မဟုတ်) ဒုသမ္မတသာ ဖြစ်နိုင်တယ်လို့ ဦးဇေယျာကိုက ပြောပါတယ်။

ဆရာကြီးမင်းသိင်္ခရဲ့ အနီးကပ် တပည့်တစ်ဦး ဖြစ်ခဲ့တဲ့ ဆရာဇင်ယော်နီက ကမာရွတ် အွန်လိုင်းမီဒီယာကို ပြောကြားရာမှာ ၁၉၈၈ ဆိုတဲ့ ၈ ဂဏန်းနှစ်၊ ၂၀၁၅ ဆိုတဲ့ ၈ ဂဏန်းနှစ် အပြင် ရွေးကောက်ပွဲ ကျင်းပမယ့်နေ့ကလည်း ၈ ရက်နေ့ ဖြစ်တဲ့ အတွက် ဒေါ်အောင်ဆန်းစုကြည်ဟာ ရွေးကောက်ပွဲမှာ မုချ အပြတ်အသတ် အောင်မြင်နိုင်ကြောင်း၊ ဒါပေမဲ့ ၈ ဂဏန်းရဲ့ အဆိုးသဘောကြောင့် ဆယ်တန်းအောင်ပြီးကာမှ တက္ကသိုလ်တွေ ပိတ်ထားသလို အချည်းနှီး ဖြစ်တတ်ကြောင်း ဟောဆိုထားပါတယ်။

ရွေးကောက်ပွဲအလွန် မြန်မာ့နိုင်ငံရေးအလားအလာ

မြန်မာ့လွတ်လပ်ရေးရတဲ့ သက်တမ်းဟာ လာမယ့် နှစ်သစ် ဇန်နဝါရီကျော်ရင် ၆၉ နှစ် ပြည့်မှာ ဖြစ်ပြီး ရှိရင်းစွဲနဲ့ မတူတဲ့ လမ်းကြောင်း၊ အပြောင်းအလဲတစ်ခု ဖြစ်လာဖို့ ရှိတယ်လို့ ဆရာစံဇာဏီဘိုက ပြောပါတယ်။ ဇန်နဝါရီနဲ့ ဧပြီကြားမှာ ကုန်ဈေးနှုန်း ကြီးမြင့်မှုနဲ့ ကုန်သွယ်ရေး စီးပွားရေး ခဲယဉ်းမှုတွေ ဖြစ်လာနိုင်တယ်၊ သတိထားရမယ့်အပိုင်းတွေ ရှိတယ်လို့လည်း ဆရာစံဇာဏီဘိုက ကြိုတင် ဟောဆိုထားပါတယ်။

ဆရာစံဇာဏီဘိုရဲ့ ဒေါ်စု သမ္မတ ဖြစ်မယ် ဆိုတဲ့ အယူအဆနဲ့ လုံးဝ ဆန့်ကျင်ကွဲလွဲနေတဲ့ ဆရာဘဲလားလေဘာတီကတော့ ဒေါ်အောင်ဆန်းစုကြည်ဟာ မူလဇာတာ အင်အားအရ သမ္မတ မဖြစ်နိုင်၊ တကယ်လို့များ ဖြစ်လာမယ် ဆိုရင်တောင် ၅ နှစ်သက်တမ်း လုံးဝ မပြည့်နိုင်ဘဲ ထိုင်းဝန်ကြီးချုပ်ဟောင်း ယင်လတ်လို ဇာတ်သိမ်း မလှ ဖြစ်သွားနိုင်တယ်၊ ဒါ့ကြောင့် ဒေါ်စုအနေနဲ့ သမ္မတ ဖြစ်ဖို့ မကြိုးစားဘဲ ဆိုနီယာဂန္ဒီလိုပဲ နေထိုင်သင့်တယ်လို့ အကြံပြု ဟောဆိုထားပါတယ်။ ဒါ့အပြင် လွှတ်တော်ထဲက စစ်တပ် ကိုယ်စားလှယ် ၂၅ % ကို ဖယ်ထုတ်ဖို့ ကြိုးစားရင် ၁၀ နှစ်အတွင်း မြန်မာ့ထီးနန်းကို ဘိန်းဘုရင်တွေက ဝယ်သွားပြီး အစိုးရအဖွဲ့ကိုလည်း သူတို့ကပဲ ခြယ်လှယ်နိုင်လိမ့်မယ်လို့ ဆရာဘဲလားလေဘာတီက သူ့ရဲ့ Facebook မှာ ရေးသား သတိပေး ထားပါတယ်။ ဒါ့အပြင် Tomorrow ဂျာနယ်ပါ ဆရာဘဲလားလေဘာတီရဲ့ ဆောင်းပါးမှာလည်း ဒေါ်စုရဲ့ ဇာတာဟာ ဒီနှစ်ကနေ နောင် ၃ နှစ်အထိ အလွန် ညံ့နေလို့ NLD နိုင်ခဲ့ရင် တိုင်းပြည်မှာ ပြဿနာပေါင်းစုံ ဖြစ်လာနိုင်တယ်လို့လည်း အတိအလင်း ဟောဆို ရေးသားပြပါတယ်။

မြန်မာ့နက္ခတ်ပညာရှင်တစ်ဦး ဖြစ်တဲ့ ဆရာနျူမန် (မိုးတား) ကတော့ ရွေးကောက်ပွဲအလွန် ၂၀၁၅ နှစ်ကုန်ပိုင်းမှာ သွေးသံ အနေအထား၊ တိုင်းသူပြည်သားအချို့ အသက်အန္တရာယ် ဖြစ်နိုင်မယ့် အနေအထားတွေကို သတိပေးလိုကြောင်း သူ့ရဲ့ မြန်မာ့ကံကြမ္မာ နှစ် (၁၀၀) အပိုင်း (၃) မှာ ရေးသား တင်ပြထားပါတယ်။ အထူးသဖြင့် ၃၊ ၁၂၊ ၂၀၁၅ ကနေ ၁၄၊ ၃၊ ၂၀၁၆ အတွင်းမှာ မြန်မာပြည်အတွက် သတိထားရမှာ ဖြစ်ပြီး မထင်မှတ်တဲ့ အပြောင်းအလဲ၊ အဓိကရုဏ်း၊ သွေးထွက်သံယို ကိစ္စတွေ ပေါ်ပေါက်လာနိုင်တယ်လို့ ဆရာနျူမန်က ဗြိစ္ဆာရာသီရောက် စနေဂြိုဟ် ဆောင်းပါးမှာ ထပ်လောင်း သတိပေးထားပါတယ်။

ရွေးကောက်ပွဲကာလ အခြေအနေ၊ ရလဒ်တွေနဲ့ ရွေးကောက်ပွဲအလွန် မြန်မာ့နိုင်ငံရေး အလားအလာ ဟောကိန်းတွေကို ခြုံငုံကြည့်ရင် မြန်မာပြည် အနာဂတ်ဟာ သိပ် အကောင်းမြင် မျှော်လင့်ထားလို့ မရသေးဘူးဆိုတာ အထင်အရှား တွေ့မြင်နိုင်ပြီး ပြည်သူတွေအနေနဲ့ ရလဒ် ဘယ်လို ထွက်လာလာ၊ တည်တည်ငြိမ်ငြိမ်နဲ့ ရင်ဆိုင်ဖို့၊ စိတ်ခံစားချက် ဦးစားမပေးကြဖို့ သတိထားရမှာလည်း ဖြစ်ပါတယ်။

ဘာပဲဖြစ်ဖြစ် မြန်မာ့ခေတ်သစ်ရဲ့ နိဒါန်းလို့ ဆိုရမယ့် ဒီရွေးကောက်ပွဲကြီး ငြိမ်းချမ်းစွာ ကျင်းပပြီးစီးပါစေ၊ တိုင်းသူပြည်သားတွေ မျှော်လင့်တောင့်တတဲ့ နိုင်ငံတော်သစ်ကြီး ပေါ်ပေါက်ပါစေလို့သာ မြန်မာနိုင်ငံသားတစ်ယောက်အနေနဲ့ မရဲတရဲ ဆန္ဒပြု ဆုတောင်းမိပါတယ်။

Saturday, April 4, 2015

စနေ လကြတ် သွေးရောင်ထွက်

ကျွန်တော့်အနေနဲ့ကတော့ လကြတ်တာကို မျက်မြင်ဒိဌ မြင်တွေ့ရတဲ့ နိုင်ငံတွေမှာ အနည်းနဲ့အများ အကျိုးသက်ရောက်မှု ရှိမယ် ဆိုတဲ့ ရှေဟောင်းနက္ခတ်ဗေဒင် ယူဆချက်ကိုပဲ ပြန်တွေးမိပါတယ်။

စနေ၊ လကြတ်၊ သွေးရောင်ထွက်လို့ လိုတိုရှင်း ခေါင်းစဉ် ပေးလိုက်ရတာက ဒီနေ့ စနေနေ့ ညနေမှာ မြင်တွေ့ရမယ့် အနီရောင်လွှမ်းတဲ့ လကြတ်မှုဖြစ်စဉ်ကို အကျဉ်းချုပ် တပ်လိုက်တာပါ။ မကြာသေးခင်က နေကြတ်အပြီး တစ်လအတွင်းမှာ လကြတ်တာက နက္ခတ္တဗေဒအရ မထူးဆန်းပေမယ့် ဒီနေ့ည လကြတ်မှုဖြစ်စဉ်ကတော့ နည်းနည်း ဆန်းတယ်လို့ ပြောရမှာပါ။ ဘာ့ကြောင့် ထူးခြားသလဲ ဆိုတဲ့ အဓိက အကြောင်းသုံးရပ် ရှိပါတယ်။

နံပါတ်တစ် ထူးခြားချက်ကို နှစ်ပေါင်းနှစ်ထောင်ကျော်အတွင်း လကို အနီရောင် ဆန်ဆန် မြင်တွေ့ရမှာ ဖြစ်တယ်။ နံပါတ်နှစ်က လအပြည့်အဝ ကြတ်ချိန် (အမှောင်ဖုံးသွားချိန်) ဟာ ဒီရာစုနှစ်မှာ အချိန်အတိုဆုံး ၅ မိနစ်ကနေ အများဆုံး ရှိကာမှ ၁၂ မိနစ်ပဲ ကြာမြင့်မှာ ဖြစ်တယ်။ နံပါတ်သုံးက ခရစ်တော်ရှင်ပြန်ထမြောက်ခြင်းနေ့ Easter Day နဲ့ တိုက်တိုက်ဆိုင်ဆိုင် လကြတ်မှု ဖြစ်တယ်။

အနောက်နိုင်ငံက သတင်းတွေမှာတော့ ဒီသုံးချက်ကို ထူးခြားမှုအဖြစ် ခေါင်းစဉ်တပ် ဖော်ပြကြပါတယ်။ ခရစ်ယာန် သင်းအုပ်ဆရာများက ဒါဟာ ဘုရားက အချက်ပြခြင်းလို့ ယူဆကြပြီး လူသားတွေကို ထူးခြားဆန်းကျယ်တဲ့ နည်းလမ်းနဲ့ ဆက်သွယ်လာတာလို့လည်း ပြောပါတယ်။ ဒါတင်မကဘဲ ဒီအနီရောင်လကို မြင်တွေ့ရတဲ့အတွက် အရှေ့အလယ်ပိုင်းဒေသမှာ သမိုင်းလမ်းကြောင်းကို အချိုးအကွေ့ ဖြစ်စေမယ့် ဖြစ်ရပ်တွေ ပေါ်လာမယ်၊ ကမ္ဘာပေါ်ကိုလည်း သက်ရောက်မှု ရှိလာမယ်လို့ ဆိုပါတယ်။

တကယ်တော့ ဒီသုံးချက်ထဲမှာ ထူးခြားတယ် ဆိုတဲ့ လကို အနီရောင်ပါးပါး မြင်ရတာဟာ ကမ္ဘာ့လေထုလွှာထဲ နေရောင်ထိုးကျမှုကြောင့် ဖြစ်ပြီး ဒီအရောင်တွေက လပေါ် ထင်ဟပ်တာပဲ ဖြစ်ပါတယ်။ လကြတ်တယ် ဆိုတာကလည်း နေ၊ကမ္ဘာ၊ လတွေ တစ်တန်းတည်း ဖြစ်ချိန်မှာ ကမ္ဘာအရိပ်က လပေါ် ကျတာပါပဲ။ ဒီလို အနီရောင်သန်းတဲ့ လကြတ်မှုကို မြောက်အမေရိက၊ သြစတြေးလျနဲ့ အာရှဒေသတွေမှာ မြင်တွေ့ရပါမယ်။ မြန်မာနိုင်ငံအနေနဲ့ကတော့ ညနေ သုံးနာရီကျော်မှာ လစ ကြတ်ပြီး ညနေ ၆ နာရီခွဲမှာ အပြည့်အဝ ကြတ် (အမှောင်ဖုံး) တာကို မြင်တွေ့ရနိုင်ပါတယ်။

ကျွန်တော့်အနေနဲ့ကတော့ လကြတ်တာကို မျက်မြင်ဒိဌ မြင်တွေ့ရတဲ့ နိုင်ငံတွေမှာ အနည်းနဲ့အများ အကျိုးသက်ရောက်မှု ရှိမယ် ဆိုတဲ့ ရှေဟောင်းနက္ခတ်ဗေဒင် ယူဆချက်ကိုပဲ ပြန်တွေး မိပါတယ်။ မြန်မာပြည်ကလည်း လကြတ်တာကို မြင်ရမယ့် နိုင်ငံတွေစာရင်းထဲ ပါနေပြီး ဒီနှစ်မှာလည်း ဘာဖြစ်မယ် ညာဖြစ်မယ် ဆိုတဲ့ ဟောကိန်းတွေ ရှိနေလို့ စိတ်ဝင်တစား သတိထား စောင့်ကြည့်ရတော့မှာပါ။