Thursday, November 26, 2009

စနေ-ပလူတို သံသရာတစ်ပတ်

သာယန စနစ်အရ တူရာသီက စနေနဲ့ မကာရရာသီက ပလူတိုတို့ဟာ ၉ဝ ဒီဂရီအမြင်အယှဉ် တကျော့ပြန် ဖြစ်တည်လာနေပါပြီ။

၁၉၈၂-၈၃ လောက်က စနေနဲ့ ပလူတို တူရာသီမှာ ပူးယှဉ်တဲ့အခါတုန်းက အမေရိကန်သမ္မတ ရော်နယ်ရေဂင်နဲ့ ဗြိတိန်ဝန်ကြီးချုပ် မာဂရက်သက်ချာတို့သာ ကွန်ဆာဗေးတစ်တော်လှန်ရေးကို စတင်ခဲ့ပြီး နှစ်နိုင်ငံစလုံးမှာ ဘဏ္ဍာရေးစနစ်တွေ စတင်ချမှတ် ဆောင်ရွက်ခဲ့တာကြောင့် ကမ္ဘာတစ်ဝှမ်းမှာ ဂယက်ရိုက်ခဲ့ဖူးပါတယ်။

၁၉၉၃ စနေနဲ့ ပတူတို ၉ဝ ဒီဂရီစတင် မြင်ယှဉ်ချိန် ဖြစ်တဲ့ ဖေဖော်ဝါရီ ၂၆ ရက်နေ့မှာတော့ World Trade Center ကို ဗုံးခွဲတိုက်ခိုက်ခံခဲ့ရပြီး အခုချိန်အထိ မပြီးဆုံးသေးတဲ့ အမေရိကန်နဲ့ အစ္စလာမ်မစ်စ် စစ်သွေးကြွတွေအကြား တင်းမာမှုတွေကို စတင် မီးမွှေးခဲ့ပါတယ်။

တခါ... ၂ဝဝ၁ ခုနှစ်၊ စနေနဲ့ ပလူတို ၁၈ဝ ဒီဂရီဆန့်ကျင်ဖက် အမြင်အယှဉ်မှာတော့ အယ်လ်ကိုင်းဒါးတွေရဲ့ လက်သံပြောင်ချက်ကို စက်တင်ဘာ ၁၁ ရက်နေ့ အကြမ်းဖက်မှုကြီးနဲ့ သက်သေပြနိုင်ခဲ့ပါတယ်။

အနောက်တိုင်း နက္ခတ်ပညာအရ စနေဂြိုဟ်ဟာ ချုပ်တည်းခြိုးခြံတာ၊ စည်းကမ်းထိန်းသိမ်းတာ၊ အောင့်အီးမြိုသိပ် ရတာတွေကို ဖော်ပြပြီး ပလူတိုကတော့ အမှောင်တို့ရဲ့ အရှင်သခင်၊ သေမင်း၊ ပြန်လည်မွေးဖွားခြင်းနဲ့ မြေအောက်ကမ္ဘာကို ကိုယ်စားပြုပါတယ်။ အော်... ပလူတိုကို ဂြိုဟ်အဖြစ်ကနေ သိပ္ပံပညာရှင်တွေက သေခန်းရှင်ခန်း ဖြတ်ချလိုက်တယ် ဆိုပေမယ့် နက္ခတ်ဗေဒင်ပညာရှင်တွေကတော့ ပလူတိုရဲ့ အရေးပါပုံကို နောကျေအောင် သိထားတဲ့အတွက် ဂြိုဟ်အဖြစ် ဆက်လက် အသက်သွင်းထားဆဲ ဖြစ်ပါတယ်။

ကဲ..အခု သာယန စနစ်အရ တူရာသီက စနေနဲ့ မကာရရာသီက ပလူတိုတို့ဟာ ၉ဝ ဒီဂရီအမြင်အယှဉ် တကျော့ပြန် ဖြစ်တည်လာနေပါပြီ။ ကျွန်တော်တို့ ကမ္ဘာကြီးအတွက် ဘာတွေများ အမှတ်တရ လက်ဆောင်ပါးခဲ့မလဲ။ သည်းတထိတ်ထိတ်၊ ရင်တဖိုဖိုနဲ့ စောင့်ကြည့်ကြပါစို့ဗျာ။ အင်တာနက်မှာ မွှေနှောက်ရှာယူပြီး ထူးခြားတဲ့ ဂြိုဟ်အမြင်အယှဉ်တစ်ရပ် အဖြစ် ဒီကိစ္စကို မှတ်တမ်းတင်ထားလိုက်ပါတယ်။

1 comment:

ရွှန်းမီ said...

တစ်ခါ ၉၀ဒီဂရီ ဖြစ်ရင် ဘယ်လောက်ကြာသလဲ.. တစ်ခါနဲ့တစ်ခါ ကြာချိန်တူတတ်သလား.. သိချင်စိတ်ပေါ်လာတယ်. သိချင်ရုံသက်သက်ပါ..