Thursday, January 26, 2012

စစ်နတ်ဘုရား၊ နဂါး၊ မီးလျှံ

နဂါးနှစ်ထဲ အရောက်၊ အင်္ဂါဂြိုဟ် နောက်ပြန် လည်တဲ့ ရက်ပိုင်းမှာပဲ ကျွန်တော်တို့ နေအဖွဲ့အစည်းရဲ့ သခင် တနင်္ဂနွေနေမင်းဆီက Solar Storm တွေဟာ ၂ဝဝ၃ နောက်ပိုင်းမှာ အင်အား အပြင်းဆုံးနဲ့ ကမ္ဘာကို ရိုက်ခတ်လာတာပါပဲ။ ဒီတော့ အားလုံး ပေါင်းရင် နဂါးရယ်၊ စစ်နတ်ဘုရားရယ်၊ ဒေါသအိုးကွဲ သူရိယရယ် သုံးမျိုး သုံးဆင့် ထပ်တယ်လို့ ဆိုချင်ပါတယ်။


၂ဝ၁၂ ထဲ ဝင်လာပြီဟေ့ ဆိုတာနဲ့ အားလုံး သတိတရ ဖြစ်သွားမှာက မာယာလူမျိုးတွေရဲ့ ပြက္ခဒိန်ပါပဲ။ ဆိုင်ရာပိုင်ရာ ပညာရှိတွေက ၂ဝ၁၂ ဟောကိန်းဟာ မာယာပြက္ခဒိန် အဆုံးသတ်ခြင်းသာ ဖြစ်ပြီး ကမ္ဘာ ပျက်ကိန်း မဟုတ်ဘူးလို့ ယတိပြတ် ငြင်းဆိုထားပေမယ့် နီဘီရူဆိုတဲ့ ဧရာမဂြိုဟ်ကြီး ကမ္ဘာကို ဘယ်တော့ ဝင်အောင်းမလဲ၊ ဂလက်ဆီဗဟိုကို ရောက်သွားမယ့် ကမ္ဘာကြီး ချာလပတ်ရမ်းသွားမလား ဆိုပြီး ကြံဖန် တွေးပူနေကြတုန်း။


ဒါနဲ့ ကျွန်တော်လည်း အရင် ရေးဖူးတဲ့ ကမ္ဘာဆီသို့ ဦးတည်လျက်မကြင်နာမယ့် အင်္ဂါ ဆိုတဲ့ စာစုတွေကို ပြန်လှန်လှောမိပါတယ်။ ဘာ့ကြောင့်လဲဆိုတော့ ၂ဝ၁၂ နှစ်ဦး ဇန်နဝါရီလမှာပဲ သိဟ်ရာသီရောက် အင်္ဂါဂြိုဟ်ဟာ ၂ နှစ်ခွဲ တစ်ခါ နောက်ပြန်လည်တဲ့ ဝကြဖြစ်စဉ်ထဲ ရောက်ရှိလာတဲ့အပြင် တိုက်ဆိုင် ချင်တော့ ဒီနှစ်ဟာ တရုတ်ရာသီခွင်အရ နဂါးနှစ်လည်း ကျနေပါတယ်။ ဒါ့အပြင် ဒီတော့ ကဗျာ ဆန်ဆန် တွေးရရင် စစ်နတ်ဘုရားနဲ့ တရုတ်နဂါးတွေ မြူးတူးကြလေပြီပေါ့။


ဒါနဲ့ ပြီးပလား ဆိုတော့ မပြီးပြန်ဘူး၊ နဂါးနှစ်ထဲ အရောက်၊ အင်္ဂါဂြိုဟ် နောက်ပြန် လည်တဲ့ ရက်ပိုင်းမှာပဲ ကျွန်တော်တို့ နေအဖွဲ့အစည်းရဲ့ သခင် တနင်္ဂနွေနေမင်းဆီက Solar Storm တွေဟာ ၂ဝဝ၃ နောက်ပိုင်းမှာ အင်အား အပြင်းဆုံးနဲ့ ကမ္ဘာကို ရိုက်ခတ်လာတာပါပဲ။ ဒီတော့ အားလုံး ပေါင်းရင် နဂါးရယ်၊ စစ်နတ်ဘုရားရယ်၊ ဒေါသအိုးကွဲ သူရိယရယ် သုံးမျိုး သုံးဆင့် ထပ်တယ်လို့ ဆိုချင်ပါတယ်။


ရေနဂါးအလှည့်

ပေါက်ဖော်တွေရဲ့ ဗေဒင်အရဆိုရင် နဂါးနှစ်ဟာ ကံကြမ္မာကောင်းတွေကို ဆောင်ကျဉ်းလာတဲ့နှစ်လို့ ဆိုကြတယ်။ တရုတ်ရာသီခွင် ၁၂ ပါးမှာ တန်ခိုးအထွားဆုံး သတ္တဝါကလည်း နဂါးပဲ ဖြစ်နေတယ်။ နဂါးမှာမှ ဒီနှစ်ဟာ ၁၉၅၂ ခုနှစ်ကလို ရေဓာတ်ကျတဲ့ နဂါး၊ ရေနဂါးနှစ် ဖြစ်တယ်။ အဲဒီ ၁၉၅၂ ခုနှစ်က ဘာတွေ ဖြစ်လဲဆိုတော့ ကနေ့အထိ ယူနိုက်တက်ကင်းဒမ်းကို အုပ်စိုးနေတဲ့ အဲလီဇဘတ်ဘုရင်မကြီး စတင် နန်းစံတယ်။ အမေရိကန် ပြည်ထောင်စုက သမိုင်းတစ်လျှောက်မှာ ဖျက်အားအပြင်းဆုံး ဗုံးနှစ်လုံးကို လူသိရှင်ကြား မိတ်ဆက်ပြခဲ့တယ်။

တရုတ်လူမျိုး မိဘတွေဟာ နဂါးနှစ်မှာ သားသမီးရဖို့ အမျှော်လင့်ကြီး မျှော်လင့်လေ့ ရှိတယ်။ နဂါးနှစ်ဖွား ကလေးငယ်ဟာ လောကကြီးကို ခါးစောင်းတင်၊ ကမ္ဘာကြီးကို ပြောင်းလဲပစ်နိုင်တယ်လို့ အယူရှိကြတာကိုး။ ရေနဂါးနှစ် ဖြစ်ခဲ့ဖူးတဲ့ အဲဒီ ၁၉၅၂ တုန်းက ကနေ့ အနောက်ကမ္ဘာကို ပမာမခန့် လုပ်တတ်တဲ့ ရုရှား ဝန်ကြီးချုပ် ဗလာတီမာပူတင်၊ စင်ကာပူကို အရှိန်မပျက် မောင်းနှင်နေတဲ့ ဝန်ကြီးချုပ် လီရှန်လွန်းတို့ကို မွေးဖွားခဲ့တယ်။

ဒါပေမယ့် နဂါးဆိုတာ ဒဏ္ဍာရီလာ လျှို့ဝှက်ဆန်းကျယ် သတ္တဝါဆိုတာ မေ့ထားလို့ မရပါဘူး။ ဒါ့ကြောင့်လည်း ပုံမှန်ထက် လွန်ကဲတဲ့ ကသောင်းကနင်း အဖြစ်အပျက်တွေကို ဖန်တီးလာနိုင်ပါတယ်။ ဥပမာ ဈေးနှုန်းတွေ ထောင်တက်တာ၊ သဘာဝဘေးတွေ ထဖြစ်တာ၊ နိုင်ငံရေးနဲ့ ယဉ်ကျေးမှု အပြောင်းအလဲကြီးတွေ ဖြစ်တာကို နဂါးက ကြိုးကိုင်ပါလိမ့်မယ်။ ယန်ဓာတ် စိုးမိုးတဲ့ သတ္တဝါမို့လို့ တည်ငြိမ်တဲ့ ကန်ရေပြင်မျိုးထက် စီးဆင်းတဲ့ မြစ်ရေသဏ္ဍာန်လည်း ဆောင်ပါတယ်။ တီထွင်ဖန်တီးမှု အသစ်အဆန်းတွေ အများကြီးလည်း ပေါ်ပေါက်မယ်လို့ တရုတ်ပညာရှိတွေက ဆိုထားပါတယ်။

ချဉ်းကပ်လာမယ့် စစ်နတ်ဘုရား

နောက်ပြန်သွားမယ့် စစ်နတ်ဘုရားအကြောင်းကို ၂ဝဝ၉၊ ဒီဇင်ဘာလတုန်းက မကြင်နာမယ့် အင်္ဂါ ဆိုပြီး သတိပေး စာစုတစ်ခု ရေးခဲ့ဖူးပါတယ်။ အဲဒီတုန်းက သတိပေးချက်အတိုင်း ဟေတီနဲ့ ချီလီမှာ သမိုင်းဝင် ငလျင်ကြီးတွေ လှုပ်ခတ်သွားတာလည်း တွေ့ခဲ့ရပါတယ်။ အဲဒီတုန်းကတော့ အင်္ဂါရပ်တည်ရာဟာ ကရကဋ် ဖြစ်ပြီး အခုရပ်တည်မှာက သိဟ်ရာသီ ဖြစ်ပါတယ်။ နောက်ပြန်သွားနေမယ့် ကာလက ဧပြီ ၁၄ ရက်အထိပါ။ အနောက်တိုင်းနက္ခတ် အခြေခံအကြောင်းအရာထဲမှာ အင်္ဂါနောက်ပြန်သွားတိုင်း စီမံကိန်း အသစ်၊ လုပ်ငန်းအသစ်တွေ မစသင့်ဘဲ ရှိရင်းစွဲအလုပ်ကိုပဲ ပြန်လှန် သုံးသပ်တာ ပိုကောင်းတယ်လို့ အကြံပြုကြပါတယ်။

စိတ်ဝင်စားစရာ ကောင်းတဲ့တစ်ချက်ကတော့ ဒီနောက်ပြန်လည်နေမယ့် အင်္ဂါ ရပ်တည်ရာ သိဟ်ရာသီဟာ ကျွန်တော်တို့ မြန်မာပြည် ဇာတာရဲ့ အရေးအကြီးဆုံး ၁ဝ တန့်အမှတ် ဖြစ်နေတာပါပဲ။ ဒါမေယ့် မိဿရာသီက ကြာသပတေးနဲ့ သမ္ဗန္ဓပြုနေတဲ့အတွက် အပြုသဘော ဆောင်တဲ့ အပြောင်းအလဲတွေ ဖြစ်လာမယ်လို့ပဲ မရဲတရဲ မျှော်လင့်မိပါတယ်။ ဧပြီလဆန်းမှာလည်း ဒီမိုကရေစီမိခင် ဒေါ်အောင်ဆန်း စုကြည်က ကြားဖြတ် ရွေးကောက်ပွဲ ဝင်မှာမို့လို့ ဝကြအင်္ဂါဟာ စိတ်ဝင်စားစရာ သိပ်ကောင်းပါတယ်။ ပညာရှိများ၊ ပညာရှင်များ၊ သုတေသီများ မျက်လုံးဒေါက်ထောက် ကြည့်သင့်တဲ့ အဖြစ်အပျက်ပါပဲ။

မုန်တိုင်းဆင်တဲ့ သူရိယ

အမေရိကန်အမျိုးသားလေကြောင်းနဲ့ အာကာသအုပ်ချုပ်ရေးအဖွဲ့ နာဆာက မကြာသေးခင်ရက်တွေကပဲ သတိပေးချက်တစ်ခု ထုတ်ပြန်ခဲ့ပါတယ်။ ၂ဝဝ၃ ခုနှစ်နောက်ပိုင်း အင်အားအပြင်းဆုံး ရောင်ခြည်တွေ နေဆီကနေ ဖြာထွက်လာမယ်၊ ဒီရောင်ခြည်လှိုင်းတွေကြောင့် ဂြိုဟ်တုစနစ် ဆက်သွယ်ရေးတွေ အနှောင့်အယှက် ဖြစ်လာမယ်၊ ဝင်ရိုးစွန်းဒေသ လေကြောင်းလိုင်း အပြောင်းအလဲတွေ ဖြစ်လာနိုင်တယ်လို့ ဆိုပါတယ်။

ပြီးခဲ့တဲ့ တနင်္ဂနွေနေ့တည်းက နေမျက်နှာပြင်ပေါ်မှာ ကြီးမားတဲ့ ပေါက်ကွဲမှုတွေ ဖြစ်ခဲ့လို့ ဧရာမ မီးတောက်မီးလျှံတွေ ဖြာထွက်ခဲ့ပါတယ်။ ဒီအချက်က ဂျီပီအက်စ် စနစ်ကို ဂယက် ဖြစ်စေနိုင်ပြီးတော့ ကမ္ဘာ္ဘ့သံလိုက်လှိုင်းတွေအပေါ်လည်း ရိုက်ခတ်သွားမယ်လို့ နာဆာက ကြေငြာထားပါတယ်။

Solar Storm လိုပဲ နေပေါ်မှာ အစက်အပျောက်ကြီးတွေ ဖြစ်စေတဲ့ Sun Spot တွေအကြောင်း အရင် စာစုအဟောင်းမှာ ရေးသားခဲ့ဖူးပါတယ်။

ပြန်ပြောရရင် နေစကြာဝဠာအဖွဲ့အစည်းထဲမှာ အကြီးဆုံးအဓိက ဇာတ်ဆောင်ဖြစ်တဲ့ နေမင်းကြီးရဲ့ မျက်နှာပြင်ပေါ်မှာ ဟီလီယံ ဓာတ်ငွေ့တွေ ပေါက်ကွဲပြီး အမည်းကွက်၊ အစက်အပြောက်တွေထလာတဲ့အခါ၊ သံလိုက် မုန်တိုင်းတွေ နေမျက်နှာပြင်မှာ လှုပ်ရှားထကြွလာတဲ့အခါ ကမ္ဘာပေါ်မှာ ပြင်းထန်ဆိုးရွားတဲ့ မုန်တိုင်းတွေ၊ ငလျင်တွေ၊ သဘာဝဘေးအန္တရယ်တွေ ဖြစ်ပွားတတ်ပါတယ်တဲ့။ ဒီအယူအဆက အခုမှ ပေါ်တာ မဟုတ်ဘဲ လွန်ခဲ့တဲ့နှစ်ပေါင်း နှစ်ထောင်ကျော်ကတည်းက ဟိန္နူနက္ခတ်ပုရောဟိတ် တစ်ပါးဖြစ်တဲ့ ၀ရဟမိဟိရက ထုတ်ဖော် ရေးသားခဲ့ပြီး ဖြစ်ပါတယ်။

အနှစ်ချုပ် ပြန်ပြောရရင် တရုတ်တွေ အယူအဆအရ အမောက်ထောင်ပြလာမယ့် နဂါးကြီးရယ်၊ သိဟ်ရာသီမှာ ဖောက်ပြန်သွားလာမယ့် စစ်နတ်ဘုရား အင်္ဂါရယ်၊ ဆယ်စုနှစ်အတွင်းမှာ အလျှံညီးညီး တောက်လောင်ပြတဲ့ နေမင်းဆီက မီးလျှံမုန်တိုင်းတွေရယ် ဆက်စပ် စဉ်းစားလိုက်ရင် ၂ဝ၁၂ မှာ မာယာတွေ မျက်စပြစ်ပြသလို တစ်ခုခုများ ဖြစ်ပျက်လာလေမလား တွေးတောစရာပါပဲ။ အဆိုးတွေကို လိုရာ ဆွဲယူပြတယ်လို့ ဆိုချင်ဆိုပါစေ သတိဆိုတာ ပိုတယ် မရှိဘူး မဟုတ်လားဗျာ။

2 comments:

မြစ်ကျိုးအင်း said...

စိတ်ဝင်စားဖို့ကောင်းတယ်။
နာမည်ကြီးနေတဲ့ ၂၀၁၂ ရောက်ပြီဆိုတော့ မသိစိတ်ထဲကဖြစ်ဖြစ် တထိတ်ထိတ်နဲ့
စောင့်ကြည့်နေမိတယ်။

7pm said...

အဲ... ဗေဒင်အကြောင်းရေးပြီးခာမှ ဗေဒင်ဆရာနဲ့ လာတွေ့နေပြီထင်တယ်။ လာလည်ဆန်းစစ် အဖြေထုတ်
သွားပာအုံး :)