Monday, March 5, 2012

၁၂ နှစ်အကြာက တောက်တယ်ကျင်း

မသွားမီက ရောက်နှင့်သည်၊ မသင်မီက တတ်နှင့်သူ၊ လမ်းမဟုတ်တဲ့လမ်း ...အစရှိတဲ့ စကားစုလေးတွေကို ကျွန်တော်တို့တွေ ဖတ်ဖူး မြင်ဖူးကြမှာပါ။ အထူးသဖြင့် ဆရာကြီးမင်းသိင်္ခ၊ တာရာမင်းဝေ၊ မင်းခိုက်စိုးစန် တို့ရဲ့ စာပေ လက်ရာတွေမှာ သွယ်ဝိုက်သောအားဖြင့် ဖြစ်စေ၊ ဒဲ့ဒိုး တိုက်ရိုက် ဖြစ်စေ မြင်တွေ့ခဲ့ဖူးမယ် လို့လည်း ယူဆပါတယ်။

ဒါဆိုရင် ဒီစာပိုဒ်လေးကို တစ်ချက်လောက် စေ့စေ့စပ်စပ်လေး ဖတ်ရှုကြည့်ပါဦး။

နားနေခိုက်တွင် အလုပ်လုပ်ပါ။
အလုပ်လုပ်ခိုက်တွင် နားနေပါ။
အနံ့အရသာ မဲ့သော အရာများတွင် အရသာခံပါ။
ငယ်သည်ကို ကြီး၏ဟု မှတ်ယူပါ။
နည်းသည်ကို များသည်ဟု မှတ်ယူပါ။
အမျက်ဒေါသကို ကောင်းမွန်ခြင်းဖြင့် တုံ့ပြန်ပါ။
ပညာရှိသည် လွယ်ကူသော အရာ၌ပင် အခက်အခဲကို
ရှုမြင်တတ်သည် ဖြစ်သောကြောင့် သူ့တွင် အခက်အခဲ ဟူ၍ မရှိတော့ချေ။


ကျင့်စဉ်တော် အမှတ် ၆၃
(အစဉ်တွေးကြံခြင်းမှ)
......................................................................................................................................

မရောက်တာ ကြာပြီ ဖြစ်တဲ့ ရန်ကုန်မြို့လယ်ခေါင်က စာအုပ်တိုက်တွေဆီ ခြေဦးလှည့်ရင်း ကျွန်တော် ၁၂ နှစ်လောက် ရှာဖွေခဲ့ရတဲ့ စာအုပ်တစ်အုပ်ကို မထင်မှတ်ဘဲ တွေ့လိုက်ရပါတယ်။ စာအုပ် တန်ဖိုးက များတယ်လို့ ဆိုနိုင်ပေမယ့် ကိုယ် အသည်းအသန် လိုက်ခဲ့ရတဲ့ စာအုပ် ဖြစ်နေတော့ မတွန့်မတိုဘဲ ဝယ် လိုက်ပါတယ်။

စာအုပ်နာမည်က (စေ့ထားသော တံခါးများ) ဖြစ်ပြီး စာရေးသူက (သက်လုံ) ဖြစ်ပါတယ်။ ဆရာသက်လုံဟာ စိတ်တန်ခိုးတွေ၊ ဂန္ဓာရီပညာတွေနဲ့ ပတ်သက်ရင် ရေးသမျှ စာအုပ်တိုင်းမှာ ထိထိမိမိနဲ့ သိမ်သိမ်မွေ့မွေ့လေး တင်ပြသွားလေ့ ရှိသလို တခြား ကလောင် (ကြပ်ကလေး) နာမည်နဲ့လည်း အောင်မြင်တဲ့ ဟာသ စာရေးဆရာ တစ်ဦး အဖြစ် မှတ်တိုင်စိုက်နိုင်ခဲ့သူ ဖြစ်ပါတယ်။

ရှာခဲ့တုန်းက မတွေ့ဘဲ မရှာတော့မှ တွေ့ရတဲ့ ဒီစာအုပ်ကို လှန်လှောကြည့်ရင်း တောက်တယ်ကျင်း လို့ အသံထွက် ရွတ်မိပါတယ်။ ရင်ထဲမှာလည်း လှုပ်လှုပ်ခတ်ခတ် ဖြစ်သွားရအောင်ကို ပီတိတွေ ဖြာမိပါတယ်။ ပျော်တယ် ဆိုတာထက် အများကြီး ပိုပါတယ်။ တတိယအကြိမ် ပြန်ပုံနှိပ်ပေးတဲ့ ထုတ်ဝေသူကိုလည်း ကျေးဇူးတင်ရမှာပါ။ ကျေးဇူးပါ။

တောက်တယ်ကျင်း ဆိုတာ တရုတ်လူမျိုးတွေရဲ့ ရှေးဟောင်းကျမ်းကြီး တစ်ဆူ ဖြစ်ပြီး ဆောက်တည်ရေး ကျင့်စဉ်တော်ကျမ်းလို့ မြန်မာမှု ပြုပါတယ်၊ မူရင်းပြုစုရေးသားသူဟာ လောက်ဇူ ဆိုတဲ့ တရုတ်ပညာရှိ ဖြစ်ပါတယ်၊ ဒါပေမယ့် လောက်ဇူ ဆိုတာ ပညာရှင်အဘိုးအို ဆိုတဲ့ အဓိပ္ပါယ်သာ ဖြစ်တဲ့အတွက် ဒီကျမ်းဟာ တစ်ဦး တစ်ယောက်တည်းက ရေးတာ မဟုတ်ဘဲ လောကအမှန်တရားတွေကို သိမြင်ပေါက်မြောက်ထားတဲ့ အစဉ်းသိ သူတော်စင်တွေက စုပေါင်း ရေးသားထားတာ ဖြစ်တယ်လို့ အနောက်တိုင်းသုတေသီတွေက ကောက်ချက် ဆွဲပါတယ်။ ဒီကျမ်းဟာ ခရစ်တော် မပေါ်ခင် နှစ် ၂ဝဝ-၃ဝဝ လောက်က ပေါ်ခဲ့ပြီး တစ်ချို့ ကတော့ တရုတ်ပြည်ကို ဗုဒ္ဓဘာသာ မရောက်ခင်တည်းက ရှိနှင့်ခဲ့တယ်လို့ ဆိုကြပါတယ်။

ဒုက္ခရောက်ခြင်းတွင် ပျော်ရွှင်မှုသည်
ဘေးနားကပ် တည်နေ၏
ပျော်ရွှင်မှုတွင် ဒုက္ခရောက်ခြင်းသည်
အနားတွင် ရှိနေသည်။
အဆုံးသတ်ကို မည်သူသည် သိနိုင်ပါအံ့နည်း။
ထို့ကြောင့် ပညာရှိကား လေးထောင့်ကွက်သည်
မိမိ၏ ထောင့်စွန်းများဖြင့် မည်သူ့ကိုမျှ မဖြတ်တောက်သကဲ့သို့ လည်းကောင်း၊

ထောင့်ချွန်းသည် မိမိ၏ ထောင့်ဖြင့်
မည်သူ့ကိုမျှ မစူးမရှစေသကဲ့သို့ လည်းကောင်း
ကိုယ်နှိုက်က ဖြောင့်မတ်သော်လည်း
မဖြောင့်မတ်သူကို သည်းခံ၏။ ကိုယ်နှိုက်က တောက်ပြောင်သော်လည်း တစ်ပါးသူကို မျက်စိ
မကျိန်းစေပါ။

ကျင့်စဉ်တော် အမှတ် ၅၈
(လိုက်လျောညီထွေမှ)
......................................................................................................................................

တောက်တယ်ကျင်းကို ဖတ်မယ်ဆိုရင် အကြံပြုချင်တာက ဈင်ဗုဒ္ဓဘာသာဆိုင်ရာ စာပေတွေကိုလည်း တစ်ဖက်ကနေ လေ့လာစူးစမ်းကြည့်သင့်ပါတယ်။ ဒါမှ ဘာကို ဆိုလိုတယ် ၊ ဘာကို ညွှန်ပြနေတယ်ဆိုတာ ရေးရေးလေး သဘောပေါက်နိုင်မှာပါ။ ဒါက ကျွန်တော့် အယူအဆပါ။ ဈင်ဗုဒ္ဓဘာသာ ဆိုလို့ သမထလမ်း၊ ဈာန်လမ်းတွေနဲ့ ဝါးလုံးချေးသုတ်ပြီး မရမ်းကြပါနဲ့ဦး။ ဒီနေရာမှာ ဘာသာ အယူဝါဒ အကြောင်း မငြင်းခုံလို ပါဘူး။ ခုနက စကားကို ပြန်ဆက်ရရင် တရုတ်ကြီးတွေဆီက တောက်တယ်ကျင်းကို ဆွဲယူကြည့် သလို အိန္ဒိယ သားတွေရဲ့ ကမ္မယောဂကိုလည်း မြည်းစမ်းကြည့်မယ် ၊ ဆရာပါရဂူ ရေးသားခဲ့ဖူးတဲ့ နာမည်ကျော် သိဒ္ဓတ္တနဲ့ စိတြလေခါ စာအုပ်တွေကိုလည်း အကြိမ်ကြိမ် ပြန်ဖတ်ကြည့်မယ် ဆိုရင် ရွံ့နွံတွေ ကြားက ကြာပွင့် အလွှာကို ထိတွေ့စမ်းသပ် မိနိုင်ကြမယ်လို့ ယုံကြည်မိပါတယ်။

တကယ်လို့များ တောက်တယ်ကျင်း (စေ့ထားသောတံခါးများ) ကို ဆွဲလှပ်ဖွင့်ကြည့်ဖို့ စိတ်ကူးမိပြီ ဆိုရင် ဆရာမြင့်မိုးအောင်ရဲ့ ဟောဒီ (ငါး) ကဗျာလေးကိုလည်း အရင် ကြိုဖတ်ပြီး လမ်းစဉ်တော်အတိုင်း လျှောက် နိုင်ပါစေလို့ ဆန္ဒပြုလိုက်ရပါတယ်။
ငါး

ငါးအသေကောင် လိုချင်ရင်
ဈေးမှာ ၀ယ်ပါ

ကြောက်လန့်နေတဲ့ ငါးတစ်ကောင် လိုချင်ရင်
ပိုက်ကွန်တွေနဲ့ ဖမ်းပါ

ဒဏ်ရာ ရနေတဲ့ ငါးတစ်ကောင် လိုချင်ရင်
ငါးမျှားချိတ်မှာ အစာ တပ်ပြီး မျှားပါ

အရုပ်နဲ့ တူတဲ့ ငါးတစ်ကောင် လိုချင်ရင်
မှန်တွေနဲ့ လုပ်ထားတဲ့ ရေကန်အတုထဲမှာ မွေးပါ

ငါးအစစ် တစ်ကောင် လိုချင်ရင်တော့
ကျောက်ဆောင်တစ်ခုလို ရပ်နေပါ

ရင်ဘတ်ကို ဖွင့်ထားပါ
လမ်းမှားလာတဲ့ ငါးအစစ်တစ်ကောင်က
မင်းရဲ့ နှလုံးသားကိုတောင်
ဝင်ပြီး တိုးခွေ့သွားလိမ့်မှာ

အသက်ရှူသံတွေနဲ့
ရေလှိုင်းတွေကို ဖန်ဆင်းလိုက်တဲ့အခါ
ပျော်ရွှင်စွာ ကစားနေမယ့်
ငါးအစစ်တစ်ကောင်ကို ရရှိမှာ

မင်းရဲ့ လက်ချောင်းတွေနဲ့ သူ့ကို
ဖမ်းဖို့ မကြိုးစားတဲ့အထိသာ။

2 comments:

THU RA said...

မိတ်ဆွေ
ဒီစာအုပ်ကို ebook အနေနှင့်ဘယ်မှာရနိုင်မလဲ
ဆိုတာ လမ်းညွှန်ပေးနိုင်မလားခင်ဗျာ

Younggun said...

ebook ကို မတွေ့သေးပါဘူး မြန်မာပြည် လူကြုံရှိရင် မူရင်းစာအုပ်ကိုပဲ ဝယ်ဖတ် အားပေးစေချင်ပါတယ် ဝယ်ဖတ်မှသာ ဆရာသက်လုံရဲ့ ကျန်ရစ်သူ မိသားစုအတွက် အထောက်အပံ့ ဖြစ်စေမှာပါ စိတ်ဝင်တစား မေးတဲ့အတွက်တော့ ကျေးဇူးတင်ပါတယ်